You can read it in English here
என்னை நோக்கிக் கூப்பிடு, அப்பொழுது நான் உனக்கு உத்தரவு கொடுத்து, நீ அறியாததும் உனக்கு எட்டாததுமான பெரிய காரியங்களை உனக்கு அறிவிப்பேன். - பைபிள்
அன்புள்ள நண்பரே, நாம் இப்போது 2021 ஐ தொடங்கினோம். 2020 ஆம் ஆண்டின் தொடக்கத்தில் பயணத்தைத் தொடங்கிய பலர் இப்போது நம்முடன் இல்லை. ஒரு நல்ல வேலையுடன் ஆண்டு தொடங்கிய பலர் தற்போதைய சூழ்நிலை காரணமாக வேலைகளை இழந்துள்ளனர். தற்போதைய தொற்றுநோயில் மட்டுமல்ல, நம் வாழ்வில் உள்ள அனைத்து போராட்டங்களிலும் நாம் பாதுகாப்பாக நடக்க வழி இருக்கிறதா? நம்முடைய எதிர்காலத்தை அறிந்த ஒருவர் நமக்கு முன்னால் உள்ள ஆபத்துகளிலிருந்து நம்மைப் பாதுகாத்து வழிநடத்தும் திறனைக் கொண்டிருக்கிறார்.இதற்கு இயேசுவால் நமக்கு உதவ முடியும். அவரால் முன்னால் உள்ள ஆபத்துக்களை நமக்குக் கற்பிக்க முடியும், மேலும் வாழ்க்கையில் சரியான தேர்வுகளை எடுக்க நமக்கு உதவ முடியும். ஆனால் அவருடன் தொடர்புகொள்வதற்கு நமக்கு ஒரு வழி தேவை, நம்மிடம் பேச இயேசுவுக்கு ஒரு சேனல் தேவை. இது இயேசுவிற்கும் நமக்கும் இடையிலான இரு வழி தொடர்புகளாக இருக்க வேண்டும்.
அன்புள்ள நண்பரே, சர்வ வல்லமையுள்ள மற்றும் எல்லாம் அறிந்த கடவுளுடன் நமக்கு உள்ள இந்த இரு வழி தொடர்பு ஜெபம் என்று அழைக்கப்படுகிறது. சர்வவல்லமையுள்ள கடவுளுடன் தொடர்புகொண்டு நம்முடைய ஜெபங்களுக்கு பதில்களைப் பெறுவது உண்மையில் சாத்தியமா? நம்முடைய இருதயங்களை இயேசுவோடு சரிசெய்து, அவருடைய குரலைக் கேட்க நம் இருதயங்களை பயிற்றுவிக்க முடிந்தால், அவருடைய குரலைக் கேட்க முடியும்.
இயேசுவோடு எவ்வாறு சமரசம் செய்வது?
பரிசுத்த கடவுளால் தூய்மையற்றவர்களுடன் தொடர்பு கொள்ள முடியாது. ஆனால் வெறும் மனிதனாக, கடவுளின் பரிசுத்தத்தின் தரத்தை நாம் பூர்த்தி செய்ய முடியாது. நாம் குறைவுள்ளவர்களானதால் , ஒவ்வொரு நாளும் தவறுகளைச் செய்கிறோம். ஆனால் நம்முடைய எல்லா தவறுகளையும் தன்மீது எடுத்துக்கொண்டு, நம் அனைவருக்காகவும் சிலுவையில் மரித்த இயேசு கிறிஸ்துவின் மூலமாக கடவுள் நமக்கு நம்பிக்கை அளித்துள்ளார். நம்முடைய தவறுகளை மன்னித்து, கடவுளின் பரிசுத்த தரத்தை பூர்த்தி செய்ய உதவுவதன் மூலம் நம்மை பரிசுத்தமாக்க இயேசு விரும்புகிறார். நீங்கள் இயேசுவோடு இதுவரை சமரசம் செய்யவில்லை என்றால், நீங்கள் மனத்தாழ்மையுடன் மன்னிப்பு கேட்கலாம். இயேசு நிச்சயமாக உங்கள் கடந்த கால பாவத்தை மன்னித்து உங்களை அவருடைய சொந்த குழந்தையாக்குவார். பாவங்களை மன்னிக்க மனுஷகுமாரனுக்கு பூமியில் அதிகாரம் உண்டு என்பதை நீங்கள் தெரிந்து கொள்ள வேண்டும் என்று இயேசு சொன்னார். உங்கள் கடந்த கால பாவத்தை மன்னிக்க அவருக்கு அதிகாரம் உண்டு.
இயேசுவிடம் பேசுவது எப்படி?
அதிகாலை நேரத்தை கடவுளுக்கு அர்ப்பணிப்போம். நம்மைப் படைத்த கடவுள் நம் நேரத்தின் சிறந்த பகுதிக்கு தகுதியானவர். நம் கவனத்தை செலுத்துவதற்கும் அவருடன் பேசுவதற்கும் நமக்கு அமைதியான சூழல் தேவை. செய்தித்தாள்கள் மற்றும் அதிகாலை நிகழ்ச்சிகள் நாம் இயேசுவோடு தொடர்புகளை முடிக்கும் வரை சிறிது நேரம் காத்திருக்கலாம். கடவுளுடன் உங்கள் அன்றாட தனிப்பட்ட நேரமாக அதிகாலை ஜெபத்தை செய்யுங்கள்.
நம்முடைய ஜெபத்தைத் தொடங்குவதற்கு முன்பு இயேசுவோடு சமரசம் செய்வது நம்முடைய அன்றாட அனுபவமாக இருக்க வேண்டும். உங்கள் வாழ்க்கையை மாற்றியமைக்கவும், தேவைப்படும் இடங்களில் திருத்தங்களைச் செய்யவும் இயேசுவிடம் கேளுங்கள். உங்கள் எண்ணங்கள், செயல்கள் மற்றும் சொற்களை நிரப்ப அவரிடம் கேளுங்கள். நாள் முழுவதும் சரியான முடிவுகளை எடுக்க உங்களுக்கு உதவுமாறு அவரிடம் கேளுங்கள்.
பிரார்த்தனையின் அடுத்த பகுதியில், நிதித் தேவைகள், சுகாதாரத் தேவைகள் மற்றும் பிற குடும்பத் தேவைகள் போன்றவற்றில் கவனம் செலுத்துங்கள். உங்கள் பெற்றோர், மனைவி, குழந்தைகள் போன்ற உங்கள் குடும்ப உறுப்பினர்களுக்காக ஜெபியுங்கள். ஜெபத்தை முடிப்பதற்கு முன், உங்கள் கடந்தகால வாழ்க்கையில் அவர் செய்த எல்லா நல்ல காரியங்களுக்கும் கடவுளுக்கு நன்றி சொல்ல மறக்காதீர்கள். நம்முடைய கடந்தகால வாழ்க்கையில் கடவுள் நம்முடைய ஜெபங்களுக்கு எவ்வாறு பதிலளித்திருக்கிறார் என்பதை நாம் நமக்கு நினைவூட்டுகையில், இன்று நாம் ஜெபித்தவற்றிற்கும் விடை கிடைக்கும் என்ற நம்பிக்கை வலுக்கும் . நம்முடைய எல்லா ஜெபங்களிலும் நம்பிக்கை ஒரு முக்கிய அங்கமாகும்.
இயேசு உங்களிடம் எப்படி பேசுகிறார்?
இயேசு நம்மிடம் பல வழிகளில் பேசுவார். நாம் தொடர்ந்து ஜெபிக்கும்போது இயேசு வித்தியாசமான முறைகளில் பதிலளிப்பதை புரிந்துகொள்ளுவீர்கள். சில நேரங்களில் நாம் எதிர்பார்க்கும் பிரச்சினை நம் அருகில் கூட வராது. இன்னும் சில நேரங்களில் நாம் கடினமான காலங்களை கடந்துசெல்லும்போது, நம்முடைய இருதயங்கள் முற்றிலும் நிம்மதியாக இருக்கும், மேலும் புதிய விஷயங்களை நமக்குக் கற்பிக்க இயேசு கடினமான நேரத்தைப் பயன்படுத்துகிறார். நாம் பிரச்சினைகளிலிருந்து வெளியே வரும்போது, நாம் புதுப்பிக்கப்பட்டு பலப்படுத்தப்படுவோம். உங்கள் ஜெப வாழ்க்கையில் நீங்கள் வலுவாக வளரும்போது அதை உணருவீர்கள்.
ஒவ்வொரு நாளும் நாம் இயேசுவோடு நெருக்கமாக வளரும்போது, நம் வாழ்க்கையில் திட்டவட்டமான வழிநடத்துதலை கேட்கத் தொடங்குவோம். இயேசு மனிதகுலத்திற்கான தனது கரிசனையை ஊற்றத் தொடங்குவார். நம்முடைய சொந்த ஜெப தேவைகளை விட மற்றவர்களின் தேவைகளுக்காக ஜெபிக்க வேண்டிய கட்டாயத்தை உணர்வோம். நாம் இயேசுவின் இருதயத்தைப் புரிந்துகொள்ளத் தொடங்குவோம், தேசத்துக்காகவும், தங்கள் வாழ்க்கையை அழித்து வீணடிப்பவர்களுக்காகவும் அவருடன் சேர்ந்து மன்றாடதொடங்குவோம். மற்றவர்களின் பிரச்சினைகளுக்காக நாம் மனதுருகுவோம், நமக்கு தெரியாதவர்களுக்காக நாம் ஜெபிக்கும்போது நம் கண்கள் தானாக கண்ணீர்சிந்தும். இது இயேசுவில் உங்கள் ஆன்மீக முதிர்ச்சியின் அடையாளம்.
அன்புள்ள நண்பரே, உங்களுக்கு பதிலளிக்கப்படாத பிரார்த்தனை இருக்கிறதா? இன்று நாங்கள் உங்களுடன் சேர்ந்து பிரார்த்தனை செய்ய விரும்புகிறோம். உங்கள் ஜெபங்களுக்கு இயேசு நிச்சயமாக பதிலளிப்பார். அவருடைய வழிகள் நம் வழிகளை விட மிகச் சிறந்தவை. நம்முடைய வாழ்க்கையில் இயேசுவை கிரியை செய்ய நாம் அனுமதிக்கும்போது, அவர் நம்மை வழிநடத்தி உதவுவார். வரவிருக்கும் நாட்களில் நீங்கள் நிச்சயமாக ஒரு வித்தியாசத்தைக் காண்பீர்கள். நம்பிக்கை இழக்க வேண்டாம்.
உங்கள் தேவைகளுக்காக நாம் ஜெபிக்கலாமா? உங்கள் கைகளை உங்கள் இருதயத்தில் வைத்து இயேசுவிடம் ஜெபியுங்கள். இயேசு தனது ஆணி பாய்ந்த கைகளை உங்கள் கையின் மேல் வைக்கட்டும்.
அன்புள்ள இயேசுவே, நான் ஒரு தாழ்மையான இதயத்துடன் உங்களிடம் வருகிறேன். நான் இன்று ஜெபத்தைப் பற்றி கற்றுக்கொண்டேன். நான் ஒவ்வொரு நாளும் உங்களுடன் பேச விரும்புகிறேன், உங்கள் குரலைக் கேட்க விரும்புகிறேன். என் வாழ்க்கையில் உங்கள் வழிகாட்டுதல் எனக்கு தேவை. தயவுசெய்து என் வாழ்க்கையில் வாருங்கள். எனது கடந்த கால பாவத்தை மன்னியுங்கள்.
அன்புள்ள இயேசுவே, தயவுசெய்து என் வாழ்க்கையை நடத்துங்கள். எனது செயல்கள், எண்ணங்கள் மற்றும் சொற்களைக் கட்டுப்படுத்தவும். என் இருதயத்தை தூய்மைப்படுத்துங்கள். கசப்பு, பொறாமை, தூய்மையற்ற எண்ணங்கள் அனைத்தையும் என் இருதயத்திலிருந்து அகற்றுங்கள். என்னை சுத்தப்படுத்துங்கள். உங்கள் குழந்தையாக மாறுவதற்கு எனக்கு உதவுங்கள். என் வாழ்க்கையை மாற்றுங்கள். உம்முடைய பரலோக அமைதியால் என் இருதயத்தை நிரப்புங்கள். என் வாழ்க்கையின் விலைமதிப்பற்ற நாட்களை உங்கள் மகிமைக்காகப் பயன் படுத்த உதவுங்கள். நான் உங்களுக்கு எல்லா மகிமையையும் செலுத்துகிறேன். என் வாழ்க்கையில் நீங்கள் கொடுத்த அனைத்து நல்ல விஷயங்களுக்கும் நன்றி. இயேசுவே, நன்றி. இயேசுவின் பெயரில், நான் ஜெபிக்கிறேன்.
அன்புள்ள நண்பரே, இயேசு உங்களை நேசிக்கிறார். நீங்கள் இப்போது எந்த நாட்டிலிருந்து அல்லது இடத்திலிருந்து படிக்கிறீர்கள் என்பது முக்கியமல்ல. இயேசு உங்களுக்கு அருகில் நிற்கிறார். உங்கள் வாழ்க்கையில் அவரை அனுமதியுங்கள். அவரால் உங்கள் நிலைமையை மாற்ற முடியும். அவரை நம்புங்கள். கடவுளுக்கு சாத்தியமற்றது எதுவுமில்லை. உங்கள் பிரச்சினைகளை விட அவர் பெரியவர். நாங்கள் உங்களுக்காக ஜெபிக்கிறோம்.