நான் ஏன் சோகமாக உணர்கிறேன்? சோகத்தில் இருந்து மீள்வது எப்படி?

You can read this message in English here => Why I am feeling Sad? How to come out of sadness?

என் ஆத்துமாவே, நீ ஏன் கலங்குகிறாய்? ஏன் எனக்குள் தியங்குகிறாய்? தேவனை நோக்கிக் காத்திரு; அவர் சமுகத்து இரட்சிப்பினிமித்தம் நான் இன்னும் அவரைத் துதிப்பேன். – சங்கீதம் 42:5

அன்புள்ள நண்பரே, நீங்கள் சோகமாக உணர்கிறீர்களா, உங்கள் சோகத்திலிருந்து வெளியேற ஒரு வழியைத் தேடுகிறீர்களா? இன்று நீங்கள் எங்கிருந்தாலும், நீங்கள் தனியாக இல்லை. தேவன் உங்கள் இருதயத்தை அறிவார். அவர் இப்போது உங்களுடன் இருக்கிறார்.

நீங்கள் கடந்து வந்த ஏமாற்றங்களையும் காயங்களையும் அவர் புரிந்துகொள்கிறார். அந்தத் துயரத்தைச் சமாளிக்க இயேசு உங்களுக்கு உதவ விரும்புகிறார். கவலை வேண்டாம். நம்மால் கூடாதது கடவுளால் கூடும்.

சில நிமிடங்களில் உங்களுடன் சேர்ந்து நாங்களும் பிரார்த்தனை செய்யப் போகிறோம். கஷ்டமான சூழ்நிலையிலிருந்து வெளியே வர நிறைய பேருக்கு இயேசு உதவினார். அவர்களுடைய வாழ்க்கையை அவர் எப்படி மாற்றினார் என்பதை அறிய நீங்கள் இங்கே சாட்சிகளை வாசிக்கலாம். அவர் உங்கள் வாழ்க்கையிலும் அதையே செய்ய விரும்புகிறார்.

என் வாழ்க்கையில் நான் எப்படி சோகமான நேரத்தை கடந்தேன்?

ஏமாற்றங்கள் வேதனை தருபவை.

சாதிப்பதில் தோல்வி, உறவுகளில் உரசல், வேலை இழப்பு, உடல்நலப் பிரச்சினைகள் மற்றும் பல்வேறு காரணங்கள் ஏமாற்றங்களுக்கு வழிவகுக்கும்.

நான் என் வாழ்க்கையில் ஏமாற்றங்களை கடந்து வந்தேன். எட்டு ஆண்டுகள் காத்திருந்த பிறகு, ஒரு பதவி உயர்வு நேர்காணலில் நான் நிராகரிக்கப்பட்டேன். அந்த பதவி உயர்வை நான் மிகவும் விரும்பினேன். என்னைத் தவிர என்னுடன் பணியாற்றிய அனைவருக்கும் பதவி உயர்வு கிடைத்தது. நான் பதவி உயர்வுக்கு பரிசீலிக்கப்படவில்லை என்று என்னிடம் கூறப்பட்டதுக்கு முந்தைய நாள் தோல்வியை எப்படி கையாள்வது என்று ஒரு மெசேஜ் எழுதிக் கொண்டிருந்தேன்.

முந்தின நாள் எழுதிய அதே செய்தியை அடுத்த நாள் படித்து நான் எப்படி என்னுடைய தோல்வியை கையாள வேண்டும் என்று.அறிய வேண்டியதாயிருந்தது.

அது எனக்கு சாலையின் முடிவு என்று நினைத்தேன். இசுவை மாத்திரம் பற்றிக் கொண்டேன்.

ஆனால் கடவுள் வேறு திட்டங்களை வைத்திருந்தார்.

ஒரு வருடம் கழித்து, என்னை நிராகரித்தவர்கள் எனக்கு பதவி உயர்வு பெற உதவினார்கள். கடவுள் தன் நேரத்தில் அனைத்தையும் செய்கிறார். நமக்கு எது நல்லது என்பதை அவர் அறிவார்.

அன்பான நண்பனே, இயேசு உனக்கும் அதையே செய்ய முடியும். உங்கள் வாழ்க்கையிலும் சோகத்தில் இருந்து வெளியே வர அவர் உங்களுக்கு உதவ முடியும். கவலை வேண்டாம்.

வாழ்க்கையின் சவால்கள் காரணமாக நீங்கள் உங்கள் வாழ்க்கையில் தடுமாறலாம். ஆனால் தேவன் உங்களை ஒருபோதும் விழ விடமாட்டார். அவர் உங்களைத் தமது கரங்களில் தழுவி உங்களை வழிநடத்துவார்.

என் ஜீவனுள்ள நாளெல்லாம் நன்மையும் கிருபையும் என்னைத் தொடரும். – சங்கீதம் 23:6. இந்த வாக்குறுதியை உங்கள் வாழ்க்கையில் பற்றிக்கொள்ளுங்கள்.

உங்கள் இதயத்தை ஊற்றுங்கள்:

உங்கள் கடந்த காலத்தைப் பகிர்ந்து கொள்ள உங்களுக்கு யாரும் இல்லாமல் இருக்கலாம். இது ரகசியமாக இருக்கலாம், அதைப் பற்றி மற்றவர்களுடன் பேச நீங்கள் ஒரு வேலை விரும்பாமல் இருக்கலாம்.

ஆனால் நீங்கள் இப்போதே இயேசுவின் முன்னிலையில் உங்கள் இருதயத்தை ஊற்ற முடியும். நீங்கள் எங்கும் பயணம் செய்ய வேண்டியதில்லை, நீங்கள் எதையும் செலுத்த வேண்டியதில்லை. நீங்கள் இருக்கும் இடத்திலிருந்து அவரிடம் பேசலாம், உங்கள் இருதயத்தில் என்ன இருக்கிறது என்பதை அவரிடம் சொல்லலாம். உங்க இருதயத்திலுள்ள எல்லா காரியங்களையும் அவரோடு கூட நீங்கள் பகிர்ந்து கொள்ள முடியும்.

வேதாகமம் சொல்லுகிறது, “அவர் நாமம் அதிசயமானவர், ஆலோசனைக்கர்த்தா, வல்லமையுள்ள தேவன், நித்திய பிதா, சமாதானப்பிரபு என்னப்படும்.” – ஏசாயா 9:6

நீங்கள் காணக்கூடிய சிறந்த ஆலோசகர் அவர். இசு உங்களுடைய வாழ்க்கை சோகத்தில் இருந்து வெளியே கொண்டு வருவார்.

அவருடைய முன்னிலையில் உங்கள் இருதயத்தை எப்படி ஊற்றுவது என்பதை நீங்கள் அறிய விரும்பினால், நீங்கள் அதை இங்கே செய்யலாம் => நான் என் இருதயத்தை ஊற்றக்கூடிய இடம் இருக்கிறதா?

சோகங்களை எவ்வாறு கடந்து செல்வது?

அன்பான நண்பரே, நீங்கள் இப்பொழுது சோகங்களை கடந்து செல்கிறீர்கள் என்றால், உங்களுக்கு எல்லா ஆதரவும் உதவியும் தேவை. நீங்கள் என்ன செய்கிறீர்கள் என்பதை மற்றவர்களால் புரிந்து கொள்ள முடியவில்லை என்று நீங்கள் கூறலாம். ஆனால் உங்களைப் படைத்த தேவன் உங்கள் இருதயத்தைப் புரிந்திருக்கிறார்.

இன்றே அவரை உங்கள் இருதயத்திற்குள் அழையுங்கள். அவரே உங்கள் பரலோகத் தந்தை. நீங்கள் கீழ்ப்படியாமல் கர்த்தரை விட்டு வெகுதூரம் சென்றிருந்தால், தயவுசெய்து இன்று அவருடன் சமரசம் செய்யுங்கள். அவர் உங்களுக்கு உதவ விரும்புகிறார்.

வேதம் சொல்லுகிறது: “நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்.” – 1யோவான் 1:9

இயேசுவை உங்கள் வாழ்வில் அழையுங்கள். உங்கள் கடினமான சூழ்நிலையில் உங்களை வழிநடத்தும்படி அவரிடம் கேளுங்கள்.

இயேசு சொன்னார், “வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாறுதல் தருவேன்.” – மத்தேயு 11:28.

உங்கள் வாழ்க்கையின் அனைத்து சுமைகளையும் நீக்க இயேசு காத்திருக்கிறார்.

அவர் உங்கள் பர்த்ரீன்களையெல்லாம் சிலுவையில் சுமந்தார். வாழ்க்கையின் சுமைகளை நீங்கள் சுமக்க வேண்டியதில்லை. இயேசு அவர்கள் அனைவரையும் சிலுவையில் சுமந்தார்.

இயேசு உங்கள் சோகத்தை இன்பமாக மாற்ற முடியும்

இயேசு சொன்னார்: பிதா என்னில் அன்பாயிருக்கிறதுபோல நானும் உங்களில் அன்பாயிருக்கிறேன்; என்னுடைய அன்பிலே நிலைத்திருங்கள். நான் என் பிதாவின் கற்பனைகளைக் கைக்கொண்டு அவருடைய அன்பிலே நிலைத்திருக்கிறதுபோல, நீங்களும் என் கற்பனைகளைக் கைக்கொண்டிருந்தால், என்னுடைய அன்பிலே நிலைத்திருப்பீர்கள். என்னுடைய சந்தோஷம் உங்களில் நிலைத்திருக்கும்படிக்கும், உங்கள் சந்தோஷம் நிறைவாயிருக்கும்படிக்கும், இவைகளை உங்களுக்குச் சொன்னேன். – யோவான் 15:9-11

இயேசுவின் அன்பில் நிலைத்திருப்பதில் மிகுந்த மகிழ்ச்சி இருக்கிறது. மகிழ்ச்சி என்பது நம் வாழ்க்கையைச் சுற்றி நடக்கும் நிகழ்வுகளால் தான். ஆனால் மகிழ்ச்சி இயேசுவினிமித்தம்தான். அவர் மீதுள்ள அன்பினால் நாம் மகிழ்ச்சியுடன் அவருக்குக் கீழ்ப்படியும்போது மகிழ்ச்சி வருகிறது.

நாம் அவரில் நிலைத்திருக்கும்போது, அவருடைய அன்பில் நிலைத்திருக்கிறோம். நம்மைச் சுற்றி நடக்கும் சம்பவங்களால் நம் இதயம் அசைக்கப்படுவதில்லை. நம்மீது ஆழமாக அன்பு வைத்திருக்கும் நம் பரலோகத் தகப்பனின் கரங்களில் நம் வாழ்க்கை பாதுகாப்பாக இருப்பதை அறிந்திருப்பதால் அது எப்போதும் மகிழ்ச்சியால் நிரம்பியிருக்கிறது.

தாவீது எழுதினார், “என் புலம்பலை ஆனந்தக் களிப்பாக மாறப்பண்ணினீர்; என் மகிமை அமர்ந்திராமல் உம்மைக் கீர்த்தனம்பண்ணும்படியாக நீர் என் இரட்டைக் களைந்துபோட்டு, மகிழ்ச்சியென்னும் கட்டினால் என்னை இடைகட்டினீர்.” – சங்கீதம் 30:11.

தாவீது வாழ்க்கையில் கடினமான காலங்களை கடந்து வந்தார். சவுல் ஏறக்குறைய பத்தாண்டுகளாக அவரைக் கொல்லத் துரத்திக் கொண்டிருந்தார். அவர் பொறுமையுடன் கடவுளுக்குக் கீழ்ப்படிந்து கடவுளுடைய நேரத்திற்காக காத்திருந்தார். தேவன் அவனுடைய துக்கங்களையெல்லாம் துடைத்தார்.

அன்பு நண்பரே, இயேசு உன்னுடைய எல்லா துக்கத்தையும் நீக்க விரும்புகிறார். அவர் உங்கள் இருதயத்தை மகிழ்ச்சியாலும் சமாதானத்தாலும் நிரப்ப விரும்புகிறார். நாம் அவர் சந்நிதியில் சென்று அவரைப் பிரார்த்தனை செய்வோமா? அவர் உங்கள் ஜெபங்களுக்கு பதிலளிக்க விரும்புகிறார்.

பிரார்த்தனை செய்வோம்.

அன்புள்ள இயேசுவே, துயரத்தில் வாடும் அன்பு சகோதரர் / சகோதரியுடன் சேர்ந்து ஜெபிக்கிறோம். நீங்கள் அவர்களை மிகவும் நேசிக்கிறீர்கள். இன்று உமது வார்த்தையைக் கேட்டார்கள். தயவு செய்து அவர்களிடம் பேசுங்கள். சோகத்திலிருந்து வெளியே வர அவர்களுக்கு உதவுங்கள். அவர்களின் துக்கத்தை நடனமாக மாற்றக்கூடிய கடவுள் நீங்கள். நீங்கள் மட்டுமே அவர்களின் இதயத்தை மகிழ்ச்சியாலும் சமாதானத்தாலும் நிரப்ப முடியும்.

அவர்களின் தவறுகள் அனைத்தையும் மன்னித்து விடுங்கள். உங்களுடைய விலையேறப்பெற்ற இரத்தத்தினால் அவர்களுடைய பாவங்களைக் கழுவும். இயேசுவே, நாங்கள் உம்மை நம்புகிறோம். நீங்கள் இந்த ஜெபத்திற்கு பதிலளிக்கப் போகிறீர்கள். இயேசுவின் வல்லமையுள்ள நாமத்தில் ஜெபிக்கிறோம். ஆமென்.

அன்பு நண்பனே, இயேசு உன்னை நேசிக்கிறார். அவர் உங்கள் மீது மிகவும் அக்கறை கொண்டிருக்கிறார். அவர் நிச்சயமாக உங்கள் சோகத்தை நீக்குவார். இயேசு உங்களை ஆசீர்வதித்து அநேகரை ஆசீர்வதிப்பாராக. தொடர்பில் இருங்கள்.