You can read it in English here
கிமு 331 ஆம் ஆண்டில், அலெக்சாண்டரின் கிரேக்க படை போரில் சைரஸ் III யின் பாரசீக படையை சந்தித்தார். அலெக்ஸாண்டரின் சிறிய இராணுவம் சைரஸின் வலிமைமிக்க இராணுவத்தை எதிர்க்க முடியாது. அந்த போரில் வெற்றி பெற அலெக்சாண்டருக்கு ஒரு வழி மாத்திரமே இருந்தது. அவர் பாரசீக பேரரசனாகிய சைரஸ்யை கைப்பற்ற வேண்டும். அலெக்ஸாண்டரின் நோக்கத்தை அறிந்த சைரஸ், போரில் பாரசீக படையின் பின்புறத்தில் தன்னை நிறுத்திக் கொண்டார். அலெக்ஸாண்டர் கிரேக்க படைக்கு முன்னால் நின்று வழி நடத்தினார். அலெக்சாண்டர் படைகள் சைரஸின் மீது மாத்திரம் கண் வைத்து பாரசீக இராணுவத்தில் ஒரு பிளவை உருவாக்கியது. அவர்கள் நேராக சைரஸை நோக்கிச் சென்றார்கள். இதைக் கண்ட சைரஸ் போர்க்களத்திலிருந்து தப்பி தன் உயிரை காக்க ஓடினார். அலெக்சாண்டரின் சிறிய இராணுவம் போரில் வென்றது. தனது எதிரி யார் என்பதை அலெக்சாண்டர் நன்றாக அறிந்திருந்தார். சாதாரண கால் வீரர்களுடன் சண்டையிடும் படி போரில் தனது நேரத்தை வீணாக்க அவர் விரும்பவில்லை. தனது எதிரியை மட்டுமே தாக்குவதில் கவனம் செலுத்தினார். பாரசீக சாம்ராஜ்யம் சைரஸுடன் முடிவடைந்தது. புதிய கிரேக்க பேரரசு அலெக்ஸாண்டருடன் தொடங்கியது.
எதிரி யார்?
நம் வாழ்விழும் பல போர்கள் உள்ளன. நமக்கு அநேக பிரச்சனைகள் உண்டு. சில போர்களில் நம் எதிரி யார் என்பதை நாம் உணரவில்லை. நாம் அடிக்கடி ஒரு மனித எதிரியை நம் மனதில் அடையாளம் கண்டு வடிவமைக்கிறோம். அந்த மனிதர் நம்முடைய நெருங்கிய நண்பர், சக உறவினர் அல்லது நம்முடைய குடும்ப உறுப்பினராக கூட இருக்கலாம். சாத்தான் பயனற்ற தன்மை, நம்பிக்கையற்ற நிலைமை மற்றும் மனச்சோர்வு ஆகியவற்றைக் கொண்டுவருவதை நாம் உணரமுடியவில்லை. காமம், உறவு பிரச்சினைகள் மற்றும் தீய ஆசைகளின் எண்ணங்கள் சாத்தானிடமிருந்து வருகின்றன. சாத்தான் எப்போதும் நம்மை சோர்வடையச் செய்து, அதிருப்தியையும், வாழ்க்கையில் ஏமாற்றத்தையும் கொண்டுவருகிறான். கடந்த கால காயங்களை அவர் தொடர்ந்து நினைவுபடுத்துகிறான். இதனால் உங்கள் காயம் ஒருபோதும் ஆறாமல் இருக்க வழிவகுக்கிரான். நம் வாழ்க்கையை கடவுளிடமிருந்து பிரிப்பதே சாத்தானின் குறிக்கோளாக இருக்கிறது. பைபிள் கூறுகிறது, "ஏனெனில், மாம்சத்தோடும் இரத்தத்தோடுமல்ல, துரைத்தனங்களோடும், அதிகாரங்களோடும், இப்பிரபஞ்சத்தின் அந்தகார லோகாதிபதிகளோடும், வானமண்டலங்களிலுள்ள பொல்லாத ஆவிகளின் சேனைகளோடும் நமக்குப் போராட்டம் உண்டு".
நாம் எதிரியை அடையாளம் கண்டு கொண்டால் நமது முயற்சியை சரியான இடத்தில் செலுத்தலாம். பைபிள் கூறுகிறது! தெளிந்த புத்தியுள்ளவர்களாயிருங்கள், விழித்திருங்கள்; ஏனெனில், உங்கள் எதிராளியாகிய பிசாசானவன் கெர்ச்சிக்கிற சிங்கம்போல் எவனை விழுங்கலாமோ என்று வகைதேடிச் சுற்றித்திரிகிறான். ஆம், அன்பே நண்பரே, சாத்தான் நம் வாழ்க்கையைத் தடம் புரட்டுவதற்கான வாய்ப்புகளைத் தேடுகிறான். அவர் தொடர்ந்து நம்மைத் தூண்டுகிறான்.
நம் எதிரிக்கு எதிராக போராடுவது எப்படி?
அடுத்த முறை நீங்கள் சோதிக்கப்படும்போது உங்களை யார் தூண்டுகிறார்கள் என்பதை உணர்ந்து புரிந்து கொள்ளுங்கள். நீங்கள் ஏற்கனவே ஒரு பழக்கத்திற்கு அடிமையாகிவிட்டதாக நீங்கள் உணரலாம். மீண்டும் மீண்டும் வரும் சுழற்சி எண்ணங்கள் மற்றும் மனச்சோர்வடைந்த உணர்விலிருந்து நீங்கள் வெளியே வர முடியாது என்று நீங்கள் நினைக்கலாம். உங்களுக்கு ஒரு நல்ல செய்தி இருக்கிறது. இயேசு சொன்னார்: பாவஞ்செய்கிறவன் எவனும் பாவத்துக்கு அடிமையாயிருக்கிறான் என்று மெய்யாகவே மெய்யாகவே உங்களுக்குச் சொல்லுகிறேன். ஆகையால் குமாரன் (இயேசு) உங்களை விடுதலையாக்கினால் மெய்யாகவே விடுதலையாவீர்கள். உங்களை இயேசு விடுவிக்க முடியும். அவர் ஏற்கனவே சாத்தானுக்கு எதிரான போரில் வெற்றி பெற்றுள்ளார். அவரது ஆணி துளையிட்ட கைகளால் உங்களைத் தொட்டு, உங்கள் இதயத்தை பரலோக அமைதியால் நிரப்பக்கூடும். இன்று அதைப் பெற நீங்கள் தயாரா? உங்கள் எதிரியை வெல்ல நீங்கள் தயாரா? இயேசு உங்களுக்காக காத்திருக்கிறார். நாம் ஜெபிக்கலாமா?
அன்புள்ள இயேசுவே, என் எதிரி யார் என்பதை நான் உணரத் தவறிவிட்டேன். திரைக்குப் பின்னால் சாத்தான் எனக்கு எதிராகப் போராடுவதை நான் காணவில்லை. சிலுவையில் எனக்கான அனைத்து போர்களையும் நீங்கள் வென்றுள்ளீர்கள். தயவுசெய்து எனக்கு உதவுங்கள். உங்கள் விலைமதிப்பற்ற இரத்தத்தால் என்னை மீண்டும் ஒரு முறை கழுவவும். என் வாழ்க்கையை மாற்றவும். என் அடிமைத்தங்களை என்னை விட்டு எடுத்து போடுங்கள். என் உறவுகளை குணமாக்குங்கள். நோயிலிருந்து என்னைக் குணப்படுத்துங்கள். இயேசுவே என் உள்ளத்தில் வாருங்கள். வெற்றிபெற எனக்கு உதவுங்கள். நான் என் வாழ்க்கையை உங்களிடம் ஒப்படைக்கிறேன். என்னை மாற்றுங்கள். இயேசுவின் பெயரில், நான் ஜெபிக்கிறேன். ஆமென்.
நீங்கள் இயேசுவை உங்கள் ஆண்டவராக ஏற்று கொண்டீர்களா? நீங்கள் அடுத்தாக என்ன செய்ய வேண்டும் என்பதை குறித்து இங்கே பார்க்கலாம் =>
நாங்கள் உங்களுக்காக ஜெபிக்க விரும்புகிறோம். உங்கள் ஜெப உதவிக்கு நீங்கள் எங்களை தொடர்பு கொள்ளலாம்.