நாளைக்காகக் கவலைப்படாதிருங்கள்; நாளையத்தினம் தன்னுடையவைகளுக்காகக் கவலைப்படும். அந்தந்த நாளுக்கு அதினதின் பாடு போதும். - இயேசு கிறிஸ்து
கடன், மனச்சோர்வு, வேலை இழப்பு மற்றும் வாழ்க்கையில் கடந்து செல்லும் பல பிரச்சினைகள் குறித்து பலர் எங்களுக்கு எழுதியுள்ளனர். சிலர் எதிர்காலத்திற்கான அனைத்து நம்பிக்கையையும் இழந்துவிட்டதாகவும், தங்கள் நாளையை எவ்வாறு எதிர்கொள்வது என்று தெரியவில்லை என்றும் எழுதியுள்ளனர்.
அன்புள்ள நண்பரே, இந்த கடினமான காலங்களில் ஏதிர்காலத்தை எப்படி எதிர்கொள்ளப் போகிறேன் என்ற பயத்தில் நீங்கள் இருக்கிறீர்களா? உங்களுக்குள் இருக்கும் நாளையை குறித்த பயத்தை உடைக்க இயேசு விரும்புகிறார். அவர் இன்று எங்களுக்கு உதவ விரும்புகிறார். நம்முடைய பயத்திலிருந்து நம்மை வெளியே கொண்டு வருவது எப்படி என்று அவருக்கு தெரியும்.
கடவுளின் திட்டமும் நம்முடைய பதிலும்
ஒரு பொறியியலாளர் ஒரு வீட்டை வடிவமைக்கும்போது அதனுடைய வலிமை, ஆயுள், அழகு போன்ற பல்வேறு அம்சங்களை கவனமாகக் கருதுகிறார். மண் தன்மையின் அடிப்படையில் அடித்தளம் எவ்வளவு ஆழமாக செல்ல வேண்டும் என்று பொறியியலாளர் கருதுகிறார். கட்டுமானத்தின் போது, ஒரு வீட்டைக் கட்டுவதற்கு பொறியியலாளர் வழங்கிய விவரக்குறிப்புகளை சரியான முறையில் பின்பற்றப்பட வேண்டும்.
நம் ஒவ்வொருடைய வாழ்க்கையும் கடவுளால் கவனமாக வடிவமைக்கப்பட்டுள்ளது. கடவுள் நம் வாழ்வின் ஒவ்வொன்றையும் காரணத்துடனும் நோக்கத்துடனும் வடிவமைத்துள்ளார். ஆண்டவர் கொடுத்த வடிவமைப்பை நாம் பின்பற்றும் பொது நம் வாழ்க்கை உறுதியான அஸ்திவாரத்தில் கட்டமைக்கப்படுகிறது.
நம்முடைய ஆண்டவர் எதிர்காலத்தை முழுமையாக நமக்கு வெளிப்படுத்த வில்லை. அதற்கு பதிலாக, ஒவ்வொரு நாளும் கடவுளை நம்பி, அவருடன் நடக்கும்போது நமது எதிர்காலம் படிப்படியாக நமக்கு வெளிப்படுத்தபடுகிறது.
கடவுளின் திட்டத்திற்குக் கீழ்ப்படிவதும் பின்பற்றுவதும் ஒரு நிறைவான வாழ்க்கைக்கு வழிவகுக்கிறது. அதே நேரத்தில் கடவுளின் திட்டத்திற்கு எதிராக செல்ல நமக்கு சுதந்திரம் உண்டு. கடவுள் என்ன செய்ய விரும்புகிறாரோ அதைவிட நாம் என்ன செய்ய விரும்புகிறோமோ அதைச் செய்வதன் மூலம் நம் எதிர்காலத்தை நாம் முழுமையாகக் கட்டுப்படுத்துகிறோம் என்று நம்பலாம். ஆனால் ஒரு கட்டத்தில், நம் வாழ்க்கையின் படைப்பாளரின் வடிவமைப்பிற்கு எதிராக நாம் முடிவுகளை ஏடுத்தால், நம்முடைய வாழ்க்கையின் அடித்தளம் உடைய ஆரம்பிக்கிறது. இது ஏமாற்றங்களுக்கும், நாளை என்ன நடக்கும் என்ற அச்சத்திற்கும் வழிவகுக்கிறது.
அன்புள்ள நண்பரே, இயேசு உங்களுக்காக காத்திருக்கிறார். அவர் உங்களைத் அனைத்து கொண்டு உங்களுக்கு நல்ல வாழ்க்கையைத் தர விரும்புகிறார். தயவுசெய்து அவருடன் சமரசம் செய்யுங்கள். கடந்த கால தவறுகளுக்கு இயேசுவிடம் மன்னிப்பு கேட்பது எப்படி என்பதை நீங்கள் தெரிந்து கொள்ள விரும்பினால், நீங்கள் இங்கே படிக்கலாம் =>
அவருடைய திட்டத்தில் கண்மூடித்தனமாக நம்பும்படி கடவுள் கேட்கிறாரா?
கடவுள் தனது திட்டத்தின் முழு வடிவத்தையும் நமக்குத் தேறியப்படுத்தவில்லை. நாம் ஒவ்வொரு நாளும் அவருடன் நடக்கும்போது அது படிப்படியாக வெளிப்படுகிறது. எந்தவொரு ஆதாரமும் இல்லாமல், கடவுளை கண்மூடித்தனமாக நம்பும்படி அழைக்கப்படுகிறோமா என்று நீங்கள் கேட்கலாம்? ஒரு பொறியியலாளரிடத்தில் நம் வீட்டை கட்ட ஒப்படைக்கும் பொது, அவருடைய நம்பகத்தன்மையை நாம் விசாரித்து அறிந்து கொள்கிறோம். அவருடைய கல்விப் பின்னணியில் பின்னணியை சோதித்து அறிந்து கொள்கிறோம். அவர் நிறைவேற்றிய முந்தைய திட்டங்கள் மற்றும் மற்றவர்களிடமிருந்து அவர் செய்த நல்ல பணிகள் குறித்து நாம் அறிந்து கொள்ள முயல்கிறோம். மேற்கண்ட நம்பகத்தன்மையின் அடிப்படையில் பொறியாளரை நாங்கள் நம்புகிறோம். இதேபோல், நம் எதிர்காலத்திற்காக கடவுளைப் நம்புவது அவசியம். கடவுளின் நம்பகத்தன்மையை நாம் புரிந்து கொள்ள வேண்டும் என்றால், அவர் யார், அவர் என்ன செய்தார் என்பதைப் பற்றி மேலும் அறிய பைபிளைப் அதிகமாக வாசிக்க வேண்டும். பைபிளில் உள்ள அறுபத்தாறு புத்தகங்கள், கடவுள் நம்மீது வைத்திருக்கும் அன்பு, அவருடைய ஞானம் மற்றும் அவருடைய மகன் இயேசு கிறிஸ்து மூலம் மனிதகுலத்திற்காக அவர் செய்த தியாகம் பற்றி அதிகமாக ஏழுதப்பட்டுள்ளது. மேலும், வேதம் மனிதகுலத்திற்கான கடவுளின் வாக்குறுதிகளால் நிரப்பப்பட்டுள்ளது. அவருடைய வாக்குறுதிகளின் அடிப்படையில் நாம் அவரை நம்ப வேண்டும் என்று ஆண்டவர் எதிர்பார்க்கிறார். கடவுள் சொன்ன சொல்லில் இருந்து மாறுவது இல்லை. அவர் பொய் சொல்வதும் இல்லை. எனவே அவருடைய வாக்குறுதிகள் எப்பொழுதும் மாறாது. வாக்குறுதிகளின் அடிப்படையில் நாம் அவரை தைரியமாக நம்பலாம், நம்முடைய எதிர்காலத்தை அவருக்கு அர்ப்பணிக்கலாம். அவற்றில் சில வாக்குத்தத்தங்களை பைபிளிலிருந்து பார்ப்போம்.
நீங்கள் எதிர்பார்த்திருக்கும் முடிவை உங்களுக்குக் கொடுக்கும்படிக்கு நான் உங்கள்பேரில் நினைத்திருக்கிற நினைவுகளை அறிவேன் என்று கர்த்தர் சொல்லுகிறார்; அவைகள் தீமைக்கல்ல, சமாதானத்துக்கேதுவான நினைவுகளே.
நீ பயப்படாதே, நான் உன்னுடனே இருக்கிறேன்; திகையாதே, நான் உன் தேவன்; நான் உன்னைப் பலப்படுத்தி உனக்குச் சகாயம்பண்ணுவேன்; என் நீதியின் வலதுகரத்தினால் உன்னைத் தாங்குவேன்.
ஸ்திரீயானவள் தன் கர்ப்பத்தின் பிள்ளைக்கு இரங்காமல், தன் பாலகனை மறப்பாளோ? அவர்கள் மறந்தாலும், நான் உன்னை மறப்பதில்லை.
கேளுங்கள், அப்பொழுது உங்களுக்குக் கொடுக்கப்படும்; தேடுங்கள், அப்பொழுது கண்டடைவீர்கள்; தட்டுங்கள் அப்பொழுது உங்களுக்குத் திறக்கப்படும்;
நீங்கள் இன்னும் ஆறுதலளிக்கும் பைபிள் வசனங்களைப் படிக்க விரும்பினால், இங்கே படிக்கலாம் =
ஆபிரகாம் கடவுளை நம்பினார்
ஆண்டவர் ஆபிரகாமுடன் பேசினார். ஆபிரகாம் பாபிலோனில் ஹரானில் வசித்து வந்தார். அந்த நாட்களில், பாபிலோன் (தற்போது ஈராக் என அழைக்கப்படுகிறது) கலாச்சார வளர்ச்சியின் மையமாகவும், மத்திய கிழக்கு பிராந்தியத்தில் மிகவும் முனேற்றம் அடைந்த இடமாகவும் இருந்தது. ஆபிரகாமுக்கு 75 வயதாக இருந்தபோது, கானான் என்ற இடத்திற்கு செல்லும்படி கடவுள் அவரிடம் சொன்னார்.
“கர்த்தர் ஆபிராமை நோக்கி: நீ உன் தேசத்தையும், உன் இனத்தையும், உன் தகப்பனுடைய வீட்டையும் விட்டுப் புறப்பட்டு, நான் உனக்குக் காண்பிக்கும் தேசத்துக்குப் போ. நான் உன்னைப் பெரிய ஜாதியாக்கி, உன்னை ஆசீர்வதித்து, உன் பேரைப் பெருமைப்படுத்துவேன்; நீ ஆசீர்வாதமாய் இருப்பாய். உன்னை ஆசீர்வதிக்கிறவர்களை ஆசீர்வதிப்பேன், உன்னைச் சபிக்கிறவனைச் சபிப்பேன்; பூமியிலுள்ள வம்சங்களெல்லாம் உனக்குள் ஆசீர்வதிக்கப்படும் என்றார்.”
மேற்கண்ட வாக்குறுதியின் முழுமையான விளக்கத்தை ஆபிரகாம் அவருடைய நாட்களில் விளங்கிகொள்ள்ள முடியவில்லை. அவருடைய மனைவி பிள்ளையில்லாத மலடியாய் இருந்தார். ஆனால் அவர் ஒரு பெரிய தேசமாக மாறுவார் என்று ஆண்டவர் வாக்குத்தத்தம் கொடுத்தார்.
ஆபிரகாம் தனது நாளைக்காக கடவுளை நம்பினார். அவர் ஆண்டவர் போக சொன்ன கானான் தேசத்தை நோக்கி தனது பயணத்தைத் தொடங்கினார். கடவுளின் அழைப்பிற்குக் கீழ்ப்படிந்து அவர் நூற்றுக்கணக்கான மைல்கள் நடந்து சென்றார். கடவுள் ஆபிரகாமை ஆசீர்வதித்தார், அவர் விசுவாசத்தின் தந்தை வேதத்திலே அழைக்க பட்டார்.
கடவுள் ஆபிரகாமுக்கு அளித்த வாக்குறுதிகளுக்கு ஒத்ததாக, வேதத்தில் நம் எதிர்காலத்திற்கும் பல வாக்குறுதிகள் உள்ளன. நம் கடவுள் தனது மனதை மாற்றிக்கொள்ளும் மனிதர் அல்ல. அவருடைய வாக்குறுதிகள் ஒரு நாளும் மாறாது.
அன்புள்ள நண்பரே, இயேசு நம்முடைய எதிர் காலத்தை அவருடைய பாதுகாப்பான கைகளில் வைத்திருக்கிறார். அவர் நம் ஒவ்வொருவருக்கும் அற்புதமான வாக்குறுதிகளை வழங்கியுள்ளார். நாம் பயமின்றி எதிர் காலத்தை எதிர்கொள்ள வேண்டுமானால், இன்று முதல் இயேசுவை நம்ப ஆரம்பிக்க வேண்டும். எல்லா திட்டங்களையும் முடிவுகளையும் இயேசுவிடம் ஆலோசித்து செய்ய வேண்டும். கடவுள் நமக்காக உருவாக்கிய நோக்கத்தை நோக்கி நம் வாழ்க்கை சீர்செய்யப்படட்டும். அவர் நம் பரலோக தந்தை, நம் ஏதிர்காலத்தை குறித்து அவருக்கு பெரிய அக்கறை உண்டு. அவர் நம் கைகளைப் பிடித்து நம்மை நடத்த விரும்புகிறார்.
நம் வாழ்வின் ஒரு ரகசிய மூலையை நமக்குள் வைத்திருக்க விரும்பலாம். அந்த மூலையில் அநேக பாவங்கள் இருக்கலாம். அது நம்முடைய குடும்பத்திற்கு தெரியாமல் இருக்கலாம். நம்முடைய நண்பர்கள் அதை அடையாளம் காணாமல் போகலாம். ஆனால் நம் முழு இருதயத்தையும் இயேசு அறிவார். இயேசுவிடம் ஜெபிப்போம். நம் இருதயம் முழுவதையும் கட்டுப்படுத்தவும், நாளைய பயத்தை அகற்றவும் இயேசுவை நோக்கி ஜெபிப்போம்.
அன்புள்ள இயேசுவே, நான் உங்களிடம் வருகிறேன். எனது வாழ்க்கையில் நான் சந்திக்கும் கஷ்டங்கள் உங்களுக்குத் தெரியும். நான் உங்கள் மீது நம்பிக்கை வைப்பதற்கு பதிலாக என் மீது நம்பிக்கை வைத்தேன். நான் தவறான முடிவுகளை ஏடுத்தேன் . தயவுசெய்து எனது கடந்த காலத்தை மன்னியுங்கள். நீங்கள் எனக்கு அளித்த அற்புதமான வாக்குத்தத்தங்களுக்காக நன்றி. என் வாழ்க்கையில் ஒவ்வொரு நாளும் அவற்றைப் பிடித்து கொள்ள எனக்கு உதவுங்கள். என்னை நேசித்ததற்காக நன்றி. எனது வாழ்க்கையை தைரியமாக எதிர்கொள்ள எனக்கு உதவுங்கள். சில நேரங்களில் எதிர் காலத்தை குறித்து நம்பிக்கை இல்லாத நிலைமையில் இருக்கிறேன். நீங்கள் தான் என் நம்பிக்கை என்பதை இப்போது புரிந்துகொள்கிறேன். என் நாளைய நம்பிக்கை நீங்கள்தான். ஆண்டவரே என் வாழ்க்கையை தொடுங்கள். எனது எதிர்காலத்தை மாற்றுங்கள். இயேசுவே, உங்கள் மூலமாக நாளையை நான் தைரியமாக எதிர்கொள்ள முடியும். நான் இயேசுவின் வல்லமைமிக்க பெயரில் ஜெபிக்கிறேன். ஆமென்.